.

Wednesday, January 25, 2017

नीम तेल के फायदे | Benefits Of Neem Oil In Hindi

author photo

Balo ki samasya , skin ki problem , diabetes, blood purification aur na jane kitne aise rog hain jinke liye neem ka prayog kiya jata hai. Neem kayi samasyao ka ilaj hai. Nature ne hame neem ke naam se ek aisi aushadhi di hai jiske bare me kuch bhi kaha jaye to kam hi hai. Neem ke patto se jitna labh hota hai usse 10 guna labh neem ke tel se hota hai, kyo ki neem ka tel neem ke patto se nikla hua ark hota hai jo ki suddh matra me hota hai.




neem oil benefits in hindi



Neem ke tel ko pahchannana bhi bahut zaroori hai , kyo ki market me milawat bahut adhik ho rahi hai. Neem ka tel suddh hai ya nahi iske liye ye dekhe ki usme se bahut teekhi badbu aa rahi hai ya nahi, agar tel se tez badbu aa rahi hai to tel suddh hai. Sardiyo me yah wax ki tarah jam jata hai. Ya yun kahe jaise deshi ghee jam jata hai theek waise hi. Neem ka tel halke bhure rang ka hota hai. Main aapko ye bhi salah deta hoon ki aap refined neem ka tel na use kare, aap pure neem ka tel hi use kare , ye bahut labhkari hota hai. Ye aapko kisi bhi ayurvedic store par mil jayega. Aaj main aapko neem tel ke fayde bataunga, jisse aap apne balo ki samasya, twacha ke rogo ki samasya, aur bhi bahut kuch is article se janenge. Chaliye jante hain ye neem ka tel kis kis kaam aata hai.



Neem Tel Ke Fayde (Benefits of Neem Oil In Hindi):



✪ Balo Ki Problems Me:

Balo ki lagbhag har samsya ke liye neem ka tel bahut faydemand mana gaya hai, neem me anti fungal , anti bacterial gun paye jate hain is karan se ye sar me hone wale sabhi prakar ke fafoond ko nast karta hai aur balo ko rog mukt karta hai. Chaliye jante hain balo ki kin kin samsyao me ise prayog karna chahiye.


Rusi ho jane par:

Agar aapke balo me bahut rusi ho gayi hai to aapko ghabrane ki koi jaroorat nahi hai aapko apne balo me hafte me 3 baar neem ka tel lagakar malish karna hai aur fir 30 minute ke baad shampoo kar de. 2 hafte ke baad hafte me 2 baar aur fir 2 hafte ke baad 1 baar lagaye. Aapko rusi naam ki koi bhi cheez nahi milegi. Rusi ki samsya se jo bhi pareshan rahta hai uske liye ye bahut hi lajabab ilaj hai.


Balo ke safed hone ki samsya:

Agar baal safed ho to aapki hafte me 2 baar neem ke tel ki malish karni hai. Aur apne 100 ml sadharan oil 10 ml neem ka tel aur 20 ml jaborandi tel milakar lagana hai. Roj raat ko ise apne balo me lagaye 15 din me aapko asar dikhne lagega.




Kamjor balo ke liye:

Vitamin E balo ke liye sabse zaroori hota hai, neem me bharpoor matra me vitamin E paya jata hai. Is liye agar aapke baal kamjor hain to aapko hafte me 3 baar neem ke tel ki malish karni hai, aur apne sadharan oil me thoda neem tel milakar lagan hai. Hafte me 2 baar aa wale ka juice bhi piye.


Baal jhadne par:

Balo ki jade jab kamjor ho jaye ya balo me rusi ho ya vitamin E ki kami ho jaye to balo ka jhadna shuru ho jata hai, patle balo ka ilaj bhi karna bahut zaroori hai kyo ki balo ka patlapan bhi blo ke jhadne ka ek karban hota hai. Is liye aapko upar bataye hue nuskho ka prayog karna hai. Aapko neem tel ki malish karni hai ya kewal jado me laga le. Hafte me 3 baar raat ko ye manish karni hai jaborandi oil ko normal oil me milakar lagaye. Jaborandi Q ke naam se aapko ye kisi bhi Homeopathy store par mil jayega.


Balo me juu ho jane par:

Balo me ju aksar baccho ko ho jate hain, jo bachhe apne balo ko saaf nahi rakh pate unhe ye samsya ho jati hai. Ju sar me naso se khoon chooskar pee lete hai. Jisse sar me bahne wala khoon kam ho jata hai. Waise bhi sar me khoon ka pravah kam hi hota hai. To is samasya ko door karna bahut zaroori hai. 3 din lagatar pure neem oil sar me lagaye, aur lagane ke 20 min baad patle comb se kheech kar nikal de. 3 din ke baad ek din chodkar fir 2 hafte tak lagaye. Ju ka namo nishan mit jayega.


Sar me fode funsiya :

Agar balo me funsiya ho gayi hain to bhi neem ka tel aapko bahut fayda dega. Hafte me 3 baar tel lagakar malish kare.


Skin Problem Ke Liye:

Jis tarah se aapne jana ki balo ke kitni samasya ke liye neem ka prayog kiya jata hai. Theek isi tarah se twacha ke rogo ke liye bhi neem ka prayog kiya jata hai. Chaliye jante hain ki skin ki problems kaun si hain jisme neem ka tel fayda karta hai.




Muhase ho jane par:

Bacteria ho jane ki wajah se aur khoon me jyada ashuddhi ho jane ki wajah se muhase nikalne lagte hain. Neem anti bacterial hota hai aur ek achha blood purifier bhi hai. Muhaso ke liye neem ke tel ki 5 boondo ko vasaline ya nariyal tel me milakar lagaye. Aur subah saaf kar de. Agar 2 ya 3 boond chasani ke sath milakar piye.


Funsiya  ho jane par:

Shareer par kahi bhi agar aapko funsiya hui hain to aapko bas neem ka tel lagana hai. Bas aise hi kuch dino ke liye prayog kare . Aapko pahle din se hi fayda hona shuru ho jayega.


Psoriasis hone par:

Psoriasis bhi skin par hone wala ek bhayanak rog hai, iska ilaj agar na kiya jaye to ye bahut pareshan karta hai. Neem psoriasis me bahut labhkari hai. Har ek din ke baad neem ka tel lagaye. Aur ek achha moisturizer ka use kare. Apne psoriasis ki jagah ko hamesha naram rakhe.


Khaj khujli hone par:

Khaj aur khujli bacteria ke karan hote hain. Khujli me bacteria skin ko damage karne lagte hain. Aur twacha laal ho jati hai. Isliye aapko neem ka tel lagana chahiye. Ye skin me hone wale bacteria ko maar deta hai aur aapki laal hui skin bhi sahi ho jayegi.


Daad ho jane par :

Khaj khujli ke alawa daad me bhi iska asar koi kam nahi hai, daad wali jagah par ise lagane se daad jaldi hi sahi ho jata hai.


Kuch Anya Rogo me labh:

Neem Oil upar diye gaye rogo me hi nahi fayda karta hai jabki bahut se aise rog hain jinme neem oil beneficial hai. 


Fever hone par:

Neem Oil jo daily lete hain unhe fever jaisi problems nahin hoti hain. Aapko aaj se hi neem oil ki 5 boond 10 ml ya 15 ml pani me le.


Immunity Increase karne me:

Neem ,tulsi, aloe vera ko immunity Badhane ke liye liya jata hai.agar aapko khasi jukam bahut jaldi ho jata hai iska matlab hai ki aapki immunity bahut kam hai. To aapko roj neem oil aur tulsi oil lena chahiye.


Vitamin E ke liye:

Twacha aur balo ke liye vitamin E bahut zaroori hai, aur hamare khane se vitamin E ki kami poori nahi ho pati is liye agar aap neem oil ka istemal kare to aapki is kami ko door kiya ja sakta hai.


Maleriya se ladne ki shakti:

Roj neem oil lene wale ko machchhar ke katne se kuch nahi hota hai chahe wo maleriya ka machchhar hi kyo na ho. Neem ek jabardast anti bacterial hai, air sath hi isme kuch anti viral ke bhi gun paye jate hain.


Paseene me badbu:

Paseena aana achhi baat hai lekin adhik paseena aana utna accha nahi hai aur fir paseene me badbu aana aur bhi kharab hai, ye aapke vyaktitwa par bhi asar dalta hai. Agar paseene me badbu hai aur kahin aap baithe hain to log aapko achhi nazar se nagin dekhenge. 5 boond neem oil ki daily le aur nahane ke paani me neem ki partiya dalkar garam kare.


Blood Purification ke liye:

Neem Oil ke bare me itna maine aapko bataya aur main bhi iske bare me likhta hi chala ja raha hoon iska karn hai ki isme guno ki kami nahi hai. Neem Oil ya neem pattiyo me blood ko purify karne ki gajab ki shakti hai.



✦ Diabetes Ke liye:

Diabetes me bhi neem oil fayada karta hai, neem oil benefits itne hain ki ginana muskhil hai. Aapko 5 boond daily neem oil ki sada pani ke sath leni hai. aur beech beech me apni diabetes ko bhi check karna hai.



To aaj aap logo ne neem tel ke fayde (benefits of neem oil in hindi) jane. aapne jana kaise neem oil dandruff, hair fall, skin problems, diabetes, blood purification me fayda karta hai. Aur bhi bahut sare fayde maine aapko bataye. Dusaro ke sath ise zaroor share kare.
 
Tags: Neem oil benefits in hindi, Diabetes me neem oil, hair fall me neem ka tel, neem oil for dandruff in hindi, blood purification , daad khaj khujli ke liye neem ka tel, paseene me badbu aana, immunity kaise badhaye.

1 comments:


EmoticonEmoticon

Next article Next Post
Previous article Previous Post

ये भी पढ़ें: