.

Tuesday, December 13, 2016

सफ़ेद दाग का घरेलू इलाज | Safed Daag Ka Ilaj

author photo

Safed daag ka ilaj ghar par kiya ja sakta hai, bahut se log iska ilaj karakar thak jate hain, bahut se paise kharch karte hain aur fir bhi sahi nahi kar pate hain. Waise main aapko ek salah dena chahunga agar aapko skin related koi bhi problem hui hai to aap homeopathy aur ayurvedic ke alawa koi treatment na le. Skin ke liye allopathy achha nahi mana jata hai. Safed daag ka gharelu ilaj aaj main aapko bataunga, jo log isse pareshan hain wo kuch gharelu nuskho ka prayog karke safed daag se chutkara pa sakte hain. Agar aap safed daag ka gharelu ilaj karenge to aapko zaroor fayda hoga, agar kisi karan apko medicine fayda na ki to nuksaan bhi nahi karegi, ho sakta hai ye rog ko agge hone se rok de.

safed daag ka ilaj vitiligo treatment in hindi




Safed daag kaya hai:

Safed daag koi bahut badi beemari nahi hai, na ye koi aisi beemari hai jo ki kisi ke chune se fail jaye. Ye ek aisi beemari hai jisme rogi ki twacha ka rang kahi kahi safed hona start ho jata hai aur kuch dino ke baad shareer ke saare ango me hone lagta hai aur fir poora sharrer safed ho jata hai. Safed daag ko vitiligo ya  Leucoderma bhi kaha jata hai. Is rog me melalin control nahi rahta yah twacha par kahi bhi aa jata hai, aur ye andar se bahar ki taraf aa jata hai jisse ye kale daag bhi chhod deta hai. 


Safed daag hone ke karan:

Waise to safed daag hone ke kai karan ho sakte hain. Agar ghar me kisi ko safed daag ho chuka hai to shayd hi bacche ko safed daag ho, waise iske chances kam hi hote hain. Chaliye jante hain saed daag ke kya karan hain.

  • Vanshanugat
  • Melalin ka kam ho jana
  • Purana kabj
  • Paseena na aana
  • Mansik problem
  • Peeliya Rog ke karan
  • Keede ho jane par
  • Mans khane se


Kaise Pahchane Safed daag:


Safed daag ki pahchan ya yun kahe ki safed daag ke lakshan kya hain. Iske koi aise lakshan nahi hote jo shareer me kisi rog ke lane par dikhayi padte hain. Safed daag ka lakshan srif ek hai aur wo bhi ye ki jab safed daag hona shuru hota hai to ye sabse pahle ek chhote se safed point jaisa dikhta hai. Iska matlab ye nahi ki agar aapko kahi safed point dikhe to wo safed daag ya vitiligo hi hai. Safed daag hamesha kohni, ghutne, ya fir rediyo ke upar ki haddi se shuru hota hai. To aapko bas in jagho ke upar ya thoda paas me koi safed chhota sa point dikhe to doctor ko zaroor dikhaye. Haan agar wo point bada hota ja raha hai to jitni jaldi ho sake ya to koi upchar kare. Ya pahle doctor ko dikha le. Main aapko kuch gharelu ilaj bataunga jo aapko safed daag me help karega.


Safed daag ka ilaj:


Agar aap koi medicine le rahe hain to iske sath bhi aap mere dwara bataye hue gharelu nuskho ko use kar sakte hain. Agar aapke doctor ne koi cream lagane ko di hai to 2 se 3 ghante ke gap ke baad aap gharelu ilaj kar sakte hain. Isse aapke pahle ho rahe treatment par koi asar nahi hoga.


Anar ke patte:

 Anar ke patte ka churan bana le aur ise subah sham lagbhag 10 gram le. Anar ke patto ka churan banane ke liye aap pahle anar ke patto ko chhaya me sukha le, dhyan rahe patte geele na ho. Ab in patto ko khoob sukh jane ke baad inko bareek pees le. Peesne ke baad cotton ke kapde se ise chhan le. Yahi maheen churan aapko subah sham lena hain.



Tulsi ki jad:

Tulsi ki jad ya fir tulsi kai paudha jisme jad bhi ho, ko achhe se dho kar pees le. Ab isme lagbhag 600 ml pani mila le aur itna hi isme koi achha sa tel mila le. ab sabhi ko mix kar de aur garam kare, jab isme kewal tel hi rah jaye tab ise utar le aur chaan kar thanda kar le ya thanda karke chhan le. Agar ise roz safed dago par lagaya jaye to safed daag bilkul sahi ho sakte hain.


Lahsun aur Harad:

Thoda sa lahsun le ab ise pees kar iska ras nikal le. Is ras me harad ko ghis le. Jo ras me mila hua harad hai use safed daago par niyamit lagaye. aur lagane ke liye is mishran ko roz taiyar kare. Rakha hua mishran na lagaye.


Behaya Ka paudha:

Behaya Talab ke kinare ug aata hai jisme khoob badi dandi hoti hai aur bada patta hota hai. Isme baigni color ka phool bhi nikalta hai. jab in patto ko todate hain to isme se doodh nikalta hai. Agar yahi doodh lagbhag 2-3 mahine tak rojana safed dago par lagaye jaye to Safed dago se chutkara mil jayega.


Udadh ki daal:

Udadh ki daal matlab kali daal, Kali daal ko ek din tak bhiga ke rakh de. Jab ye daal achhe se fool jaye to isko bareek pees kar iska lep safed dago par lagaye, dheere dheere safed daag gayab hone lagenge.


Bathua Ka juice:

Bathua ko safed daago ke liye use kiya jata hai. Bathua ko cooker me ubal le. aur phir iska ras pee le. Aur bathua ka pani ya ras daago par bhi laga le. Bathue ki sabji khaye. Aisa karne se safed daag me achha fayda paya ja sakta hai.


Rijka aur kakdi:

Rijka ko kakdi ke ras ke sath peene se safed dago me labh milta hai agar ise roz subah aur sham ko piya jaye to labh aur bhi jaldi hota hai.100 gram rijka me 100 gram kakdi ka ras milakar roz piye.


Bathua aur til ka tel:

Bathua ke patto ke ras me tila ka tel milakar garam hone ke liye rakh de. Jab garam ho rahe bartan me kewal tel hi dikhe tab ise uar le. Ab is tel ko thanda ho jane de, aur thanda ho jane ke baad kisi achhe jaar me ya shishi me rakh le. Ab rojana raat ko aur subah bhi is tel ko lagaye. isse aapko safed daag me fayda zaroor milega.


Meri Salah:

Upar maine bahut se safed daag ke gharelu nuskhe bataye hain. Jinme se koi sa bhi aap chun le. Ek to aap tel bana le aur dusara koi sa bhi nuskha use kare. Kabhi kabhi kisi mausam me koi item na bhi mile to aap us mausam me jo mile uske hisab se nuskhe ka use kare. Jaise Bathua kewal shardiyo me hi milta hai. To aap shardiyo se pahle hi khoob sara tel bana kar rakh le. Behaya ka doodh bhi bahut kargar hai.


To aaj aapne safed daag ka ilaj jana, jo ki mere hisab se bahut hi kargar hai. Bathua aur behaya aur tulsi isme aam taur par use kiye jate hain. Aap koi bhi nuskha apnaye aur jaldi se swasth ho jaye. Hum aapke swasth hone ki kamna karte hain. Article ko share zaroor kare jisse dusaro ko bhi fayda ho sake.


This post have 0 comments


EmoticonEmoticon

Next article Next Post
Previous article Previous Post

ये भी पढ़ें: