.

Sunday, December 18, 2016

PRP Treatment Hair Loss Ke Liye | Ganjepan Ka Ilaj

author photo

Ganjepan ka ilaj karna hai to abhi is samay sabse achha aur sabse sasta hair loss treatment market me hai, is treatment ka naam hai PRP hair loss treatment . PRP treatment hair loss ke liye is samay bahut hi trend me hai. Iska karan hai ki kam umar me balo ka jhadna, aaj kal logo ke kam umar me hi baal jhad rahe hain aur PRP treatment se baal 100% nikalte hain. Ye 100% kaam karta hai aur paisa vasool treatment hai. Sabse khas baat ye hai ki PRP treatment me kharcha bhi bahut kam hi hota hai. Jaha hair transplant ka kharcha bahut adhik hai aur PRP treatment ka kharcha 20000 tak ka hota hai.


hair gain treatment for hair fall prp treatment


Waise to PRP treatment ka kharcha depend karta hai ki aap kis jagah ye treatment karwa rahe hain. Medical collages me iska kharcha bahut kam hota hai, iska karan hai ki waha par students kaam karte hain, magar iska matlab ye nahi ki wo log expert nahi hote. Medical collages me bhi ise expert dwara hi karaya jata hai, lekin PRP treatment aisa hota hai jisme jyada expert ki zaroorat bhi nahi hoti hai. Ye bahut hi simple aur lowcost treatment hai. India me top hait expert ek sitting ka 10,000 se 15000 le rahe hain, jabki mediacal collages me ek sitting ka charge 2000 se 5000 tak ka rahta hai. Chaliye ab jante hain ki PRP treatment kya hota hai aur iske kya labh hain.


PRP kya hai:


PRP ka poora naam hai platelets rich plasma. Jaisa ki naam se hi pata chal raha hai ki Prp treatment me aisa plasma use kiya jata hai jisme platelets bahut adhik hoti hain. yahi rich platelets hi scalp ke andar ek syringe ke dwara inject karaya jata hai. Jab rich platelets ko scalp ke andar inject karaya jata hai to ye dead follicle ko activate kar dete hain, aur jaha kabhi baal nahi the waha par naye baal nikalna shuru ho jate hain.


PRP process kya hai:


PRP ka process jyada kathin nahi hota hai fir bhi kuch na kuch point dhyan dene chahiye. prp karwane wale person ko sabse pahle cream ya injection se sunn (सुन्न) kar diya jata hai. sunn karne ke baad body se lagbhag 20 ml se 25 ml blood nikala jata hai. Fir is blood ko ek machine me dala jata hai jaha blood me se process karke plasma nikal liya jata hai, jaisa ki maine upar bata ki plasma me platelets ki matra bahut adhik hoti hai. Jab blood se plasma nikala jata hai tab nikala hua blood peela dikhne lagta hai aur red part neeche baith jata hai. main ek diagram aapko dikhata hoon usse aapko thoda aur clear ho jayega.


prp kya hota hai iska kya process hai hair fall ke liye

Uppar diye gaye photo me kuch steps likhe hain, unpar vichar karte hain aur dekhte hain ki prp treatment kya hota hao prp se ganjapan kaise door hota hai.

  1. Collect Blood (खून निकले)
  2.  Separate the Platelets (प्लेटलेट्स अलग करे)
  3. Extract PRP (इंजेक्शन में प्लाज्मा ले)
  4. Scalp me inject kare

4 steps se plasma ko scalp me inject kar diya jata hai. ab ek ek step ko samajhte hain.

  •  Jaisa ki aap photo me dekh rahe hain ki sabse pahle body se blood ko nikal liya jata hai, aur fir isme thoda sa calcium add kar diya jata hai aur tube me daal diya jata hai. Blood lene ke baad ise lagatar hilate hain jisse ye jam na jaye. Aur calcium milane ke baad bhi ise hilaya jata hai.
  • Ab tube ko plasma seperator machine me rakh diya jata hai, jab is machine ko ek fix rpm par rotate karaya jata hai to plasma blood se alag ho jata hai. koi koi doctor is process ko do baar karte hain jisse jo plasma mile usme platelets adhik se adhik ho.
  • Rotate karane ke baad tube ko bahar nikal liya jata hai aur usme plasma sabse upar peele color ka ikatha ho jata hai jise insulin ke injection me bhar liya jata hai.
  • Insulin ki 5-6 injections ko bhar liya jata hai jisme 6 ml plasma bhara jata hai.
  • Ab is plasma ko ganje vyakti ke head scalp par bilkul andar tak inject kiya jata hai.
  • jaha par baal kam hote hain waha par insulin injection se 1/10 ya 1/5 ml plasma inject kiya jata hai. isi tarah sari injection ko poore head me inject kar diya jata hai.


PRP sittings:


PRP me sitting ka matlab hai ki kitni baar same process ko kiya jata hai. Waise to jis vyakti ke baal na ho aur wo prp se baal ugana chahta ho to use 6 sittings leni chahiye. PRP me agar aap 6 sittings le rahe hain to aapko achha fayda hoga. Agar aapka hair fall ho raha hai to aapka hair fall pahli sitting se hi ruk jayega. 80 se 90% tak ka hair fall pahli sitting se ruk jayega. Aur yadi balo ki thickness kam hai to bhi ye achhe aur healthy ho jayenge.

Dusari sitting me balo ki jade majboot jo jati hain. aur dusari sitting ko 15 din ke baad lena chahiye, sath hi is sitting me aapke balo me gajab ki strength aa jayegi aur baal 99% tak girna band ho jayenge. Jinke baal chune se bhi tootate hain unko prp treatment se achha fayda hota hai. 3rd sitting ko lagbhag 20 days me lena chahiye aur hjab aapki third sitting ho jayegi tab uske 15 din baad aapko chote chote naye baal dikhna shuru ho jayenge. Ye pakka aur 100% niklte hain. ho sakta hai ki kisi kisi ko 3rd sitting me aaye kisi ki 2nd me ya kisi ko 4th me, But naye baal to aate hi hain.

Isi tarah se 4th 5th aur 6th sitting ho jati hain aur baal nikalte rahte hain. lekin agar 4th sitting ke baaad aapko fayda hone lage tab aap is proess ko band na kare, kyo ki log yahi par galti karte hain. Jo aapke new hair nikle hain unko strength 5th aur 6th sitting me hi milti hai. Bahut se doctor aapko iske sath bahut si medicine ke liye bhi kahenge, lekin wo sab lena bekar hai. kyo ki prp un medicine se kahi jyada achha hai. is liye jab aap prp kara rahe ho tab koi medicine ya tube na le. iske baad aap biotine tablets le sakte hain jaise ki Bee-10mg. Agar aapko main photo dikhau to 5-6 sitting me aap is tarah se baal uga sakte hain.

Hair gain ke liye prp treatment

Aisa nahi ki aapko itna hi fayda hoga ye aapke plasma par depend karta hai. Aapko ho sakta hai ki isse bhi jyda ho.



PRP Treatment ke benefits:

PRP ek aisa treatment hai jisme 100% fayda hota hai aur baal ugane ke liye sabse achha aur sabse sasta treatment hota hai. Abhi bahut se kam log hi is treatment ke bare me jante hain. Agar aap apne chehre ki jhurriya aur jhayiya khatam karna chahte hain to bhi PRP ka use kiya jata hai. Chaliye main to scalp problem ke liye prp treatment ki baat kar raha tha.

  • PRP sabse sasta baal uage ka treatment hai.
  • PRP se 100% natural hair nikalte hain.
  • Scalp ki sari prblem khatam ho jati hain jaise ki dandruf aur itching.
  • PRP se hair fall pahli sitting me hi band ho jata hai.
  • Prp se baal mote ho jate hain aur bahut hi bajboot ho jate hain.
  • PRP ka koo side effect nahi hai.
  • 4 month me app achhi density pa sakte hain.


 PRP Se Jude Sawal:


Oues: PRP Kaun Kaun karwa sakta hai?

Ans: PRP 40 se 45 ki age tak kiya ja sakta hai. kisi kiski ko 50 ke baad bhi fayda hota hai. Waise isme koi age ka limit nahi hai. But apka scalp chikna na hua ho. Likin kisi kisi ko chikne scalp me bhi fayda hua hai.



Oues: PRP sabhi ko fayda karta hai?

Ans: Ji Haan prp sabhi ko fayda karta hai. ye 100% work karta hai. kisi kisi ko jyada bhi fayda kar jata hai.


Oues: PRP mahilaye karwa sakti hain?

Ans: Bilkul, ye dono par kaam karta hai, prp male aur females ko saman roop se kaam karta hai.


Oues: PRP ka asar kahi ulta to nahi hoga?

Ans: Nahi PRP karwane se aapko kewal positive results hi milenge, kabhi kabhi kisi medice me ho jata hai ki aapko ulte results mil sakte hain, but PRP me aisa nahi hota hai.



Ye to rahe PRP treatment se jude kuch common questions, agar aapke man me bhi koi sawal hai to aap mujhse pooch sakte hain. Waise aaj aapne jana ki PRP treatment kya hai, prp ke benefits kya hai, prp se hair fall rukta hai ya nahi, aur ye bhi jana ki baal ugane ka sabse sasta aur sabse achha treatment prp hi ho sakta hai.


This post have 0 comments


EmoticonEmoticon

Next article Next Post
Previous article Previous Post

ये भी पढ़ें: