.

Monday, January 09, 2017

[स्तनपान के फ़ायदे] Stanpan Ke Fayde In Hindi | Maa Ke Doodh Ke Labh

author photo

Ma ke doodh se achha doodh sansar me nahi ho sakta hai, isi liye sabhi doctors stanpan (स्तनपान) yani ki Breastfeeding ki salah dete hain. Ma ka doodh sarvopari hai, usme poshak tatwo ki barmaar to hai ki sath hi is doodh me apnepan ka ahsaas hota hai. Ma jab apne bachhe ko doodh pilati hai tab use sukh ka anubhav hota hai, ise na to bayan kiya ja sakta hai aur na hi iska bakhan, ise to kewal masoos karke sukh ki anubhuti ki ja sakti hai. Kya breastfeeding se koi nuksan hai, kya bacche ko doodh pilane se bachche ko ko nuksan hai, Cow milk aur ma ka doodh kaun sa achha hai, aaj in sabhi baato par vichar karenge.



stanpan se kya fayde hote hain ma ke doodh ke labh 


Swasthya vibhag dwara ek message logo tak pahuchaya ja raha hai ki ma ka doodh hi bachhe ke liye sabse achha hai, bahut research karne ke baad ye nishkarsh nikala gaya ki 6 month tak navjat ko kuch bhi nahi dena chahiye kewal ma ka doodh hi bachhe ke liye poora bhojan hai.


Ma ka Doodh Kab Tak Pilaye:

Jaisa ki maine aapko pahle hi batay hai ki 6 month tak bachhe ko kuch nahi khilana hai, kewal breastfeeding hi karaye. stanpan karane se ma aur bachhe dono ko labh hote hain. Daliya, dal, chawal, pani, dahi, mattha kuch bhi nahi khilana hai.


Stanpan ke fayde jane


Chaliye ab jante hain, ki agar koi ma apne bachhe ko daily stanpan kara rahi hai to use kya fayda hai sath hi bachhe ko kya fayda hai. Pahle hum bachhe ke bare me baat karenge.


Bachhe Ka Vikas Hota Hai:

Stanpan karane se bachhe ka sampoorna vikas hota hai, ek chhote se bachhe ko jo bhi poshak tatwo ki awashykta hoti hai wo use uski ma ke dwara hi diye ja sakte hain, aur iska absorption bhi adhik hota hai. Nature ne pahle ma ka doodh hi banaya hai, aur ise hi pachane ki chamta bachhe me paida hone ke sath aati hai.


Rogo Se Ladne Ki Kshmta:


Stanpan karane se bachhe me rogo se ladne ki chamta badhti hai, jise hum immunity kahte hain. Darasal ma ke doodh se bachhe ko har prakar ka poshan milta hai, to bache me antrik roomp se koi kami nahi hoti hai, jisse usme takat ke sath sath shareerik majbooti bhi aa jati hai.


Pachne Me sahayak:

Ma ka doodh pachane ke liye bachhe ko koi dikkat ka samna nahi karna padta hai, jab bachha paida hota hai to uske bahatri ango ki tarah andar ke bhi ang bahut najuk hote hain. Bachhe ka lever bhi kamzor hota hai, kyo ki kisi bhi ang par kabhi koi kaam nahi padta hai to wo sithil ho jata hai. Usi tarah se bache ke ang shuru me kamzor hote hain. Agar ma ka doodh pilaya jaye to lever koi bahut kam kaam karna padta hai aur doodh asani se pach bhi jata hai.


Pneumonia Aur Dast Se Bachav:


Bachho me pneumonia bahut jaldi ho jata hai, agar ma apne bachhe ko regularly stanpan kara rahi hai to nischit hi bachhe me dast aur pneumonia se ladne ki kshmta hogi.



Mansik Vikas Me Labh:


Ma ke doodh me hi wo takat hai jo ki ek bachhe me purna roop se vikas kar sakti hai, Agar kisi bachhe ne ma ka doodh nahi piya hai to wo shareerik roop se kamzor hone ke sath sath mansik roop se bhi bahut durbal hoga. is liye hamesh yaad rahe ki breastfeeding ke bachhe ke kiye uska haq hai, aur ek ma ka ye dayitwa hai ki wo use tandrusht aur durust rakhe.

Ma Ka Pahla Gadha Doodh De


Bachha paida hone ke 1 ghante ke andar ma ke pahle doodh ka sewan bachhe ko zaroor karaye, ye doodh bahut hi gaadha hita hai aur rang me peela hota hai, isme ande aur mans se bhi jyada poshak tatwa hote hain, Jo bachha is doodh ko peeta hai usko bachpan me rogo se nahi ladna padta balki uska manshik vikas tezi se hota hai aur shareerik vikas bhi bahut tezi se hota hai.

 Cow Vs Ma

 Cow matlab ki gaya ko hindu dharam me ma ka roop diya gaya hai, mantyao ke hisab se cow hamri mata hai, lekin ek insan ka bachha apni ma se janm leta hai na ki cow se. cow me apne bachhe ke liye lagav aur zaroori tatwa paye jate hain aur ma me apne bachhe ke liye jo awashak tatwa chahiye wo paye jate hain. To bhawnaye ek taraf aur apne bachhe ka vikas ek taraf rakhe. Is liye hamesh yaad rakhe 6 maah tak bachhe ko na to pani de aur na hi cow milk hi de.


6 Month Ke Baad Kya De


6 month tak kewal ma ka doodh dene ke baad bachhe ko aap kuch ahar bhi de sakti hain, iska matlab ye nahi ki aap ma ka doodh dena yani ki breastfeeding band kar degi. Balki aapko breastfeeding 2 years tak continue rakhni hai. iske alawa apko kuch halka bhojan karana hai.

  • Hari Sabjiyan
  • Daliya
  • Dahi
  • Daale
  • Taze Fal
  • Paneer
  • Mathha
  • Roti
  • Egg 1
  • Fish

Dhyan rahe inse bana hua bhojan bilkul saada hona chahiye, inme masale ya to na ho ya to na ke barabar ho.



Waise to apka nazariya kuch bhi ho sakta hai, magar main manta hoon ki breastfeeding ek bachhe ka adhikar hai,aur ma ka kartwaya. ise har ma ko apne bachhe ki salamati ke liye poore sankalp ke sath karna chahiye. Kyo ki jab aapka bachha swasth rahega to uske sath hi aap manshik room aur shareerik roop se swasth rahengi. Aur fir har ma chahti hai ki uska bachha pushwan ho aur balwan ho. To aaj aapne jan ki breastfeeding yani ki stanpan se kya fayde hote hain.

www.yonrog.com

Hamse jude aur apni pratikriya zaroor de.Aapko hamre article kaise lagte hain ye zarror bataye. sath hi in articles ko apne sage sambhandhiyo, mitro se share kare, shayad koi article unke kaam aa jaye.

This post have 0 comments


EmoticonEmoticon

Next article Next Post
Previous article Previous Post

ये भी पढ़ें: