.

Friday, September 02, 2016

[डायबिटीज के कुछ लक्षण] Kaise Pahchane Diabetes | Diabetes Symptoms

author photo

Jeewan me bhag daud ke karan badhte tanao se bahut si beemariya shareer ke jakad rahi hain. Aaj Diabetes ek aam beemari ho gayi hai, kisi samay kisi kisi ko hi diabetes ki beemari hoti thi. Diabetes ki beemari aaj kal bahut kam umar me bhi hone lagi hai, uske kai karan hain. Sabse main karan hai milabat ka saman aur dushit vatavaran aur kam umar me hi tension lena. Waise mana jata hai ki 35-40 ki umar me hi diabetes ho sakti hai. lekin aaj aisa nahi hai, iske liye aapko time to time apna check up karana chahiye. Diabetes ki beemari aapko hui hai ya nahi iska pata kaise chale to aaj isi ke liye main ek article lekar aaya hoon, jisse aap diabetes ke symptoms ke bare me janenge.





diabetes symptoms kaise pahchane diabetes



Diabetes Symptoms ( Lakshan) In hindi

 

Diabetes ke lakshan kaun kaun se ho sakte hain, ise aaj detail se janenge. Agar aapko inme se kuch lakshan dikhayi dete hain to aap maan sakte hain ki aapko diabetes ho gayi hai, lekin iska matlab ye nahi ki aap ilaj khud shuru kar de. Aapko doctor ko dikhana chahiye aur unki salah leni chahiye. Chaliye jante hain Diabetes ke kya symptoms hote hain.

Jyada bhookh lagna

 Diabetes me mareej ko bhook bahut lagti hai, wo jitna bhi khata hai use kam hi lagta hai. bhook jyada lagne ke alawa kabhi kabhi aisa hota hai ki baar baar bhook lagti hai.


Bar bar peshab jana

Diabetes ki beemari me mareej ko baar baar peshab jana padta hai, Kabhi kabhi kisi mareej ko din me 10 se 15 baar tak peshab jana hota hai. Aur peshab ke raste se hi insulin bhi nikal jata hai.


Jyada pyas lagna

Mareej ko pyas bhi bahut lagti hai, aise me mareej ka muh sukhta rahta hai, aur use baar baar pyas lagti hai. To aise me mareej ko jyada paani nahi peena chahiye, aur aisa bhi nahi ki bilkul hi nahi penna chahiye. itna piyo jisse peshab baar baar na jana pade.


 Jaldi thakan aa jana

 Diabetes me mareej jaldi thak jata hai, chalne me koi khas dikkat nahi aati paranu mashpeshiya kamzor ho jati hain. Aur dheeli manshpeshiyo ke karan mareej jaldi thak jata hai.


 Ghav ka na bharna

 madhumeh ki beemari me mareej ke shareer me maujood koi bhi ghav nahi bharta hai, iska karan hai ki diabetes ke mareej ke shareer me rakt ka thakka nahi jam pata jiske karan khoon nikalna band nahi hota.


Wajan kam ho jana


Beemari hone par mareej ke shareer se wajan kam hone lagta hai, haddiya bhi kamzor ho jati hain aur sath hi manshpeshiyo me dheela pan aa jata hai.


Immunity kam ho jana

Diabetes ke mareej ki body ka immunity ki kami aa jati hai yani ki rogo se ladne ki chamta. Aise me rogi ko jaldi jaldi beemariya jakad leti hain. Immunity kam ho jane se koi bhi beemari sahi nahi hoti hai, ya der se sahi hoti hai.


Aankhe kamzor hona

Agar koi diabetes ka mareej hai to usko thoda thoda dundla ya kam dikhayi deta hai.


Ye to aapne jaan ki agar kisi ko diabetes ki problem hai to uske andar kaun se lakshan paye jate hain. waise ye koi zaroori nahi ki kewal inhi lakshano se ye pata chal jaye ki rogi ko diabetes hai. iske liye test karana bahut zaroori hai. Aapko apne nikattam pathlogy lab me jakar blood sugar random test zaroor karana chahiye.





Zaroor Padhe:  Diabetes ke liye Homeopathic upchar dekhe.

                         Diabetes ke liye kuch gharelu nuskhe ajmaye.

 

 

Kuch Vipreet lakshan Diabetes hone ke



Kabhi kabhi kuch aisa bhi hota hai ki diabetes me kuch alag tarah ke symptoms dikhayi dene lagte hain. Matlab ki iske bilkul vipreet. To chaliye jante hain aise kaun se wo lakshan hain.

Aankho ki roshni badh jana

 Halaki aapko mahsoos hona chahiye ki aapki aankho ki roshni kam ho gayi hai. lekin kabhi kabhi aisa mahsoos hota hai ki roshni achanak badh gayi hai. Is sthiti me aapko diabetes check karana chahiye.


Wajan ka badh jana

Wajan kam hone ki jagah aapka wajan agar badhne lage to aapko sachet ho jana chahiye ki kahi aapko diabetes ki shikayat to nahi ho rahi hai.




Bhookh na lagna

 Bhookh lagna diabetes me aam baat hai, lekin agar aapko bhookh nahi lag rahi hai to bhi aapko ise check karana chahiye.


Normal peshab aana

 Madhumeh me peshab baar baar aati hai, aur agar normal peshab aati hai aur baaki ke lakshan dikhayi dete hain to aapko sachet rahna hoga.


Need me dikkat

Need na aane par bhi aapko dhyan dene ki jaroorat hai kyo ki ho sakta hai ki kahi aapko madhumeh ki shikayat na ban rahi ho. Achanak need se uth jana ya kam need aane par aap checkup karaye.


Sunne me dikkat

Sunne me agar dikkat ho rahi hai to aapko dekhna chahiye ki kahi aapko madhumeh ka problem to nahi aa raha hai, aapko iske liye sabse pahle blood sugar random ka test karana chahiye, ys aap sabse pahle doctor se sahah le.



Apne jana ki kaun se karano se diabetes ki problem ho sakti hai, kya kya lakshan hai jinse diabetes ke hone ka pata chalta hai. Agar aapko koi bhi lakshan dikhayi deta hai to aapko doctor ki salah zaroor lena chahiye. Aapko apne liye ek diabetes diet chart bhi banana chahiye, sath hi rahat pane ke liye kuch gharelu nuskho ka bhi prayog karna chahiye. Kyo ki diabetes ko control karna hi diabetes ka ilaj hai. Aapko hamara article kaisa laga aap apni pratikriya zaroor de.

This post have 0 comments


EmoticonEmoticon

Next article Next Post
Previous article Previous Post

ये भी पढ़ें: