.

Sunday, July 03, 2016

[बारिश में कैसे रखें ध्यान] Barish Ke Mausam Me Kaise Rakhe Khayal | Monsoon Special

author photo

barish ke mausam me apna khayal kaise rakhe


India me is samaye kayi rajyo me monsoon aa chuka hai, Barish start hi chuki hai. Lekin Barish ka rim jhim mausam jitna suhana hota hai utna hi sehat ke liye kharab bhi hota hai. Garmiyo me infection ke chances nahi hote balki Barish ke mausam me infection badh jata hai.

Barish ke mausam me vatavaran me nami adhik rahti hai, aur Dhoop bhi kam hi nikalti hai, isi karan ki wajah se Barish ke dino me fungus yani ki fafoond jyada paida ho jata hai. Isse Bachna Bahut zaroori hai, kyo ki Isme infection badhane ke keetanu paye jate hain.

Is mausam pe peeliya, haija, chechak, food poisoning, dast, pechis, maleriya Ye sabhi hone ke jyada chances hote hain. Jiska karan kewal Yahi hota hai ki safayi ka na Hona. Is liye apne ghar ko saaf rakhe, aas pass kahi pani na Jama hone De.

Ghar se bahar Jana, bahar se ghar aana, khana khana, skin ki dekhbhal karna, ghar ki safayi or dhyan Dena, Ye sabhi baate Bahut important hai. Chaliye jante hain ki Barish ke mausam me kin kin baton ka dhyan rakhe, kya khaye, kya na khaye, kaise rakhe apna khayal.



Barish me sehat ka kaise kare khayal




Saaf pani piye:

Barish ho Wo mausam hai jisme sabse jyada pani dushit hota hai. Is mausam me aapko kharab aur khula hua pani peene se Bachna chahiye. Agar aap is mausam me filter ka pani piye to jyada achha rahega. Aap chote aur Saste filter ka bhi istemal kar sakte hain. Agar aisa possible nahi ho pata hai to aap Subah apne din bhar ke paani ko garam karke aur Phir Chan kar saaf bottles me bhar le. Ab ise thanda karke poore din piye.


Gandgi se rahe door:

Jab bhi bahar se ghar aate hain ya ghar se bahar rahte hain to is baat ka vishesh dhyan rakhev ki Gandgi me na jaye. Agar kisi karan se Gandgi me Hanth pair Gande ho jaye to Pahle garam pani se saaf kare fir achhe anti septic soap se saaf kare. Jab bhi bahar se aaye pairo ko saaf kare.


Jyada khana na khaye:

Barsat ke mausam me is baat ka bhi dhyan rakhe ki aap Kitna kha rahe hain. Bhar pet khana khana achhi baat hai, Lekin Usse bhi achha hai Thoda kam khaye. Aapko jitni bhookh ho Usse 25% kam khana khaye. Isse aap swasthya rahenge, aapko kabhi gas , seene me jalan, aur pet ka phoolna nahi hoga.


Masalo se rahe door:

Is mausam me jyada spicy masaledar khana khana dikkat De sakta hai. Is liye aap kam spicy khana hi khaye, jisse ki pet me jalan aur seene me jalan jaisi pareshani na ho sake.


Hari sabjiya dhyan se khaye:

Kaun nahi janta ki Hari sabjiya kitni laabhkari hoti hain. Magar aapko is baat ka dhyan rakhna hoga ki kya sabjiya Bahut achhi tarah se saaf ki gayi hain. Barish me kayi tarah ke keede makode aate hain. Sath hi saaf sabji bhi Bahut jaldi Gandi ho jati hai, to aapko sabjiyo ko garam pani me dhokar hi khana chahiye.


Liquid bhojan kare:

Liquid bhojan ka Matlab hai ki aap juda khana khane se bache aur falo ke ras le. Aap sharbat bhi le sakte hain. Shakes ka bhi istemal aapke liye achha rahega.


Khoob pani piye:

Garmiyo me to body khud pani mangne lagti hai Lekin aapko Barish me bhi is baat ka dhyan rakhna padega ki Aapki body me pani ki Kami na ho paye. Iske liye aap baar baar pani peete rahe. Ek sath Bahut jyada pani bhi nahi peena chahiye.


Basi khana na khaye:

Bacha hua khana khana galat baat nahi hai Lekin Uske liye Sahi mausam ka Hona Bahut zaroori hai. Garmiyo me aur barsat me kabhi basi khana na khaye. Shardiyo me aap basi khana kha sakte hain, Lekin Wo bhi kewal Raat ka Bacha hua ya Subah ka khana sham ko kha sakte hain.


Bahar khana na khaye:

Bahar kahi ghoomnev Gaye hain to bahar khana mazboori hai. Lekin fir bhi safayi ka khas dhyan rakhe. Lekin aap apne area me hi hain to bahar na khaye kyo ki bahar ke kahne me suddhta nahi hoti, Barish me food poisoning Bahut jaldi ho jati hai.


Kuch important point jinhe rakhe yaad:



  • Hari sabjiya khoob saaf karke khaye.
  • Dahi ka Sewan Raat me na kare.
  • Dahi ke sath Hari sabjiya na khaye.
  • Bahar ke kahne se bache.
  • Pani kewal filter ka hi piye ya ubal kar piye.
  • Neembu ka istemal kare.
  • Liquid food jyada le.
  • Apni bhookh se 25% kam khaye.
  • Kahne ke Turant baad jyada pani na piye.
  • Kali daal yani ki udadh ki daal na khaye.
  • Chane ki daal na khaye.
  • Masoor, matar bhi na khaye.
  • Corn aur Jack fruit na khaye.
  • Shimla mirch, brockli khaye.
  • Tori, lauki, tamatar,pyaz, pudeena, bhindi ko khaye.
  • Kali mirch ko kahne me use kare.
  • Adrak aur lahsun ka rojana use kare.
  • Khatte kahne, achar, dahi se bache.
  • Jyada garam khana bhi na khaye.
  • Geele Kapde na pahne.
  • Rashes ke liye suthol liquid aur boroelene lagaye.
  • Barish me bheegne se bache.

Barish ke mausam me apna khayal kaise rakhe, kya khaye, kya na khaye Ye aapne Jana. Iske alawa bhi kayi baate hain Jinka aapko dhyan rakhna chahiye. Halaki monsoon ka bhi maza le par Usse bhi jaroori hai Aapki sehat. Happy monsoon.


This post have 0 comments


EmoticonEmoticon

Next article Next Post
Previous article Previous Post

ये भी पढ़ें: