.

Monday, June 20, 2016

[जामुन खाने के फ़ायदे] Jamun Khane Ke Kya Fayde Hain

author photo

jamun khane ke benefits kya hain


Jab garmiyo ka mausam Jane wala hi hota hai tab Jamun aana Shuru ho jata hai. Jamun khane ke fayde janane se Pahle ek interesting jankari Pahle jaan lo. Jamun ka fal Ganesh ji ka Priya fal hai, aur iska karan hai ki Wo modak jyada khate hain, aur modak ki wajah se sugar level ko maintain karne ke liye hi Wo Jamun fal khate hain. To is baat se proof ho jata hai ki Jamun khane se diabetes me Bahut help milti hai.

     Jamun ki guthali sugar maintain karne ke liye Bahut kargar hai. Agar Kaha jaye to pet aur sugar ke mareej ke liye Jamun ek achha gharelu nuskha hai. Jisse aap apne pet ka pachan achha kar sakte hain.
      Jamun khana to sehat ke liye achha hai hi Lekin agar kisi mausam me Jamun na mile tab aap uska patta bhi use kar sakte hain. Jamun ka patta bhale hi Uski guthali se kam kargar hai Magar fir bhi Ye ek achhi dawa hai.


Zara dhyan se Dekho nature bhi Kitna caring hai hamare liye, aam ke meethe falo ko kahne ke baad Jamun kha liya jaye to Sab balance ho jata hai. Kitna adbhud hai Ye nature. Meri ek salah hai, aap sabhi fal na khaye Lekin mausam me aane wale Saste falo ko zaroor khaye. Kyo ki unhi falo me us samaye hone wali beemariyo se ladne ki chhamta hoti hai, aur Yahi fal body ki har jaroorat poora karte hain. Chaliye Ab jante hain ki Jamun kahne se kya labh hai.



Jamun fal se gharelu upchar:

Diabetes me Jamun se ilaj:

Monsoon aane par hi Jamun aa jata hai, jab tak Jamun aata rahe tab tak madhumeh ke mareej ko iska sewan karna chahiye. Aur iski guthaliyo ko jama karte rahna chahiye. Aur agar ho sake to market se bhi khareed kar le sakte ho.

Ab aap apne poore 1 saal ke liye Jamun ki guthaliyo ka churan bana le. Iske liye aap daily 5 gram ki matra maan kar chale. To is hisab se kareeb 1.5 kg se lekar 2 kg ka churan bana le. Isme aap 200 gram kala namak bhi Mila le. Ab Roj Subah khali pet Lagbhag 5 gram churan khaye aur upar se Thoda paani pee le.


Pet kharab ho Jane par:

Agar aapka pet kharab ho gaya hai to ghabraye nahi. Ek baar medicine lene se Pahle gharelu nuskho ko zarror ajma kar dekhe. Iske liye aap Jamun ke ras me Thoda sa kala namak milakar piye, to aapke pet ke dard me rahat milegi.




Paeriya ho Jane par :

Agar daanto me paeriya hai ya daanto se khoon aata hai to aapko Jamun achha fayda De sakta hai. Aapko Jamun ki sukhi guthaliyo ko bareek pees le aur Isme 25% kala namak Mila le. Ab is mishran ko Roj manjan ki tarah apne daanto me ghise aapke daant se paeriya chala jayega aur khoon nikalna bhi band Ho jayega.


Safed daago ke liye :

Charm rog me safed daag ek Bahut badi Beemari mani gayi hai, Isme mareej ke shareer par safed color ke daag aa jatev hain. Aur Ye daag badhte hi chale jate hain. Allopathy me charm rog ka ilaj na hi karate. Aapko homeopathy se hi ilaj karana chahiye. Lekin agar aap Ayurveda me ilaj karaya jaye to bhi kargar hai. Maine Kuch logo ke safed daag Sahi hote dekha hai, unhone Ganga ka snaan daily kiya aur Unke daag Sahi ho Gaye. Jamun ka gooda bhi fayademand ho sakta hai iske liye isko apne daago par khoob malo aur 1 se 2 ghanto ke liye chhod De.


Peshab ka baar baar aana:

Agar kisi ko baar baar peshab aati hai to use diabetes ka problem ho sakta hai. Lekin agar Aapki sugar maintain rahti hai to aap Ye gharelu nuskha apna sakte hain. Iske liye Jamun ki pisi hui guthali ko 5 gram le aur thode paani ke sath nigal jaye.


Periods me Jamun:

Kisi kisi ko periods me khoon jyada aa jata hai aisi stithi me jamun aapke liye fayademand ho sakta hai. 20 ml paani me Jamun ki Hari chhal ko ragad kar pees le aur milakar pee jaye aapko fayda hoga.




Likoriya ke ilaj me:

Agar likoriya pradar jaisi problem hai to Jamun ki Hari chhal ko sukha le aur Subah sham 4 ya 5 gram cow milk ya goat milk ke sath le. Aapko achha fayda hoga.

Ab aapne jamun khane ke fayde ke bare me jana sath hi ye bhi jana ki jamun se kin kin rogo ka ilaj kiya ja sakta hai. Bahut si beemariyo me iska prayog kiya jata hai maine aapko kuch ke baare me bata bhi diya hai. Aisi hi jankari pane ke liye hamesha Homeoveda website ko khole aur jane jankari.
Agar aapke paas bhi koi gharelu nuskha hai to aap hame comment kar sakte hain jisse ki logo ki help ho sakti hai.


This post have 0 comments


EmoticonEmoticon

Next article Next Post
Previous article Previous Post

ये भी पढ़ें: