.

Friday, March 25, 2016

7 [गोरा होने के लिए पैक] Best Gharelu Face Packs Gore Hone Ke Liye

author photo

beautiful face ke liye home made nuskhe


Home Made Nukshe Beautiful Glowing Face Ke Liye


Sundar chehra pana kis ki chahat nahi hoti, Waise to kuch time pahle ladkiya beautiful skin ki chahat rakhti thi lekin badalte jamane ne sab badal diya. Aaj ladko ko bhi saaf sundar aur bedag chehara hi chahiye. Aur ye zaroori bhi hai. kyo ki clear face hamare face ki real beauty ko show karta hai. Daag dhabbe wala chehra kitana bhi sundar kyo na ho, wo attractive nahi lagta. Aagar chemical ka use aap karte hain to kuch time ke liye aap apne face ko achha kar sakte hain lekin agar hamesha ke liye sundar chehra chahte hain to home remedies se hi gora, beautiful ,saaf aur bedag chehra paya ja sakta hai.


Aaj kal bade bade parlor aur beautician bhi home remedies ka istemal karte hain aur iske liye wo achha khasa paisa bhi lete hain. Magar wo gharelu nuskhe agar aapko pata chal jaye to aap apne parlor ka paisa to bachayengi hi sath hi dusaro ko bhi iska labh de sakti hain. agar aap isse paise kamana chahe to wo bhi sambhav hai. main kuch Face packs beautiful skin ke liye aapko bataunga.



Abhi bhi kuch parlor chemical ka bhut use karte hain aur kuch to original pack me duplicate material ka use karte hain. jisse ki skin ek din ke liye to acchi dikhti hai, lekin internally hamri cells bahut kamzor aur kaali hone lagti hai. aur agar ye chemical pores me rah jate hain to pimple ban jate hain. aaj main aapko best home remedy dene wala hoon. Jisi male aur female dono hi use kar sakte hain. Ye remedies aapki skin ko internally clear aur bedag banata hai. haan isme thoda sa time lagega. Lekin 10 se 15 dino me aapko achha khasa farak mahsoosh hone lagega.



Gharelu nuskhe (Natural Medicines):


ghar par acchi skin kaise paye. glow skin naturally




1.      Sukhe hue ornage ke chhilke pees le, Aur isme multani mitti (Raw material hi le), gulab jal, patanjali kesar 10 -15 reshe, ½ chota spoon haldi (original), 1 spoon shahad, aur 1 table spoon neembu ache se mila le.Aur achha sa paste bana le. Paste jab ban jaye to thoda sa kisi dudare bowl me le le aur use thoda sa patla kar le. Baaki bache hue ko fridge me rakh de aur next day use kare. Ab is patle wale ghol ko bruch ya ungliyo se laga le. Jab ye paste aapke face par 20 min laga rahe to fir se toda paani ka spry karke fir se geela kar le. Aur 10 se 15 min laga rahne de. Kisi saaf jagah par baithe. Fan ke neeche na baithe, nahi to paste jaldi sookh jayega. Yahi process week me 3 baar kare. 10 se 15 dino ke baad apna face compare kare. App bahut kush honge.Kyo ki aap apne face me ek natural beauty ko feel karenge. Apka face naturally shine kar raha hoga.

Lekin dhyan rahe. Jis din aap ise use kare us din soap ka use na kare. Waise to main face ke liye aapko soap ki salah nahi deta. Magar aap fir bhi use karna chahte hain to aap Gandhi ashram ke soap (khadi soap) ka use kare.

2.      20 gram pise ajwain me, 20 gram curd (dahi) mila le aur ise raat ko 1 ghante ke liye laga kar rakhe, fir dho de. Isse aapki jhaiya aur wrinkle door ho jayenge.

3.      Masoor ki daal ko biga kar pees le, aur isme 2 tablespoon neembu mila le is lep ko 1 ghante ke liye laga rahne de. Isse face ke pimple, wrinkle aur jhayiya door ho jati hain.


4.      Neembu mile coconut oil ko face par lagakar so jaye subah dho de. Aisa roj kare aapke face par natural shine ke sath skin glow bhi karne lagegi.

5.      Badam ko cow milk me milakar paste bana le aur ise 1 ghante ke liye laga rahne de fir dho de. Isse aapka chehara khil uthega aur sath hi natural color wapas aa jayega.


6.      Orange ke ras me thoda neembu aur shahad aur 1 pinth haldi milakar lagaye aur 30 min ke baad dho ke, Jinka face kala hai unke liye bahut hi kargar hai.





Upar diye gaye nuskho me aap ek se jyada nuskho ka bhi use kar sakte hain, lekin ek din me kewal ek hi nuske ka prayog kare. Mere hisab se nuskha no 1 sabhi ko use karna chahiye. Aur nuskha no 4 raat ko use karna chahiye baaki ke kisi bhi nuskhe ko week me 1 baar use kare. Aapko bhut hi fayada hoga.


Ye to baat hui nukho ki, lekin ek beautiful face pane ke liye bahut si sawdhaniya bhi apnani chahiye. Main kuch point bata deta hoon unko aap zarror follow kare.


1.      Jab bhi bahar se ghar par aaye, to apana face pahle saaf kare. Baaki ke kaam baad me.

2.      Din me 2-3 litter paani piye. Jyada paani bhi nahi peena chahiye. But ek healthy body ke liye 2- 3 lt paani jaroori hai.

3.      Face saaf karne ke baad ragad kar kabhi mat ponche. Hamesha towel se daba daba kar face ku sukhaye.

4.      Jyada paseena aane par ragde nahi. Ho sake to face dho le. Agar bahar hain to koshish kare ki face kahin dho le.

5.      Face par sabun ka istemaal karna band kar de. Akewal khadi soap ya home made soap ka hi istemal kare. Main aapko baad me home made soap banana bhi bataunga.

6.      Week me 3-4 din fruits zaroor le. Agar roj le sakte hain to bahut achha.

Sawdhaniya jitni bhi likhunga kam hi hongi. Aapki samjh se aap apne hisab se sawdhaniya apnaye. Main home remedies ke alwala  gore hone ke liye ek juice ki bhi salah dena chahta hoon. Jise yadi roj piya jaye to aapka blood purify ho jayega. Aur aapko pimple nahi honge. Sath hi face bhi naturally glow karega. Aur wrinkle , jhaiyan, dhabbe, pimple kabhi paas nahi aayenge.





Juice:


 5-6 gajar, 1 chukandar, 2 tamatar, 5 leaf neem, ½ neembu, ½ awala.
In sabhi ko mila kar mixer me iska ras nikal le aur baad me neebu ke ras ko mila de aur turant pee le. Hamesha taza ras hi piye.

Mere bataye hue nuskhe aapke liye bahut upyogi hain. aap agar inhe use karenge to 101% laabh hoga. Ye gore hone ke liye face packs best hain. Agar aap bhi hamse ya hamare visitor se apne nuskhe share karna chahte hain to hame nuskhe@homeoveda.com par share kare.



This post have 0 comments


EmoticonEmoticon

Next article Next Post
Previous article Previous Post

ये भी पढ़ें: