.

Monday, March 28, 2016

12 [कब्ज के लिए घरेलु नुस्खे] Best Gharelu Nuskhe Kabj Ke liye | Constipation home Remedies

author photo

kabj ke liye gharelu nuskhe



Constipation Matlab kabj. Kabj ek common Beemari hai. Jo ki aam taur par schedule change hone ki wajah se hamri body me baar baar changes aa Jane ke karan ho jati hai. Agar hamari nitya kriya kewal ek time par ho to aisa kabhi nahi ho.

Fir bhi agar aapko kabhi kabj ya constipation ki problem aaye to koi medicine lene ki Koi jaroorat nahi. Sabse Pahle kabj ke liye home remedies yani gharelu nuskhe ka prayog kare. Mere hisab se aapko fayada zaroor hoga. Lekin kisi karan se agar fayada nahi hota hai to aap Homeopathy medicine le. Homeopathy hamri body ke liye best treatment mana jata hai. Iske liye aap hamare Reckeweg link se iski jankari le sakte hain.

Kabhi kabhi kabj ka karan kewal mansik bhi hota hai. Aise me aapko Bahut shatark Hona chahiye. Kyo ki aise me aap medicine lenge to bhi Koi fayada nahi hoga. Is liye constipation ko itna serious lene ki Koi zaroorat nahi. Pahle to aap apne dimag me kabj se pareshan hone ke baare me saari baate hata De. Fir aap dekhenge ki Koi bhi medicine ya gharelu nuskha aapko Kitna fayada deta hai. 



Kabj ke liye gharelu nuskhe:



1. Agar aapko normal kabj ki problem hai to aise me Raat ko sone se Pahle 10-12 munakke doodh me ubalkar khaye. Fir Wo doodh bhi pee le , aapko aaram milega.

2. Agar kabj ke karan 2-3 din se pareshan hain to, badi harad ka murabba le. Aap 1 ya 2 harad le aur Uski guthali nikal De. Uske baad Thoda sa garam doodh pee le. Aapko 2 ya 3 dast aayenge. Aur kabj me khoob rahat milegi.

3. Orange kabj me Bahut kaam aata hai, Subah jaldi uthkar khali pet 1 gilas santre ka ras le. Aisa 10 se 15 din kare. Aapka kabj khatam ho jayega.

4. 1 intch daal chini ka tukda le, usme 100 gram sonf daale, aur 4-5 Hari elaychi le. Ab in sabhi ko Thoda dhoop me sukhane ke baad grinder se pees kar powder bana le. Fir Roj Raat ko sone se Pahle 1 spoon churan paani ke sath le. Agar kabj kam hai to 1/2 spoon le. Aapko zaroor aaram milega.


5. Gajar, muli, tamatar,palak aur chaulayi ka ras ya salad me nariyal ka churan milakar le. Aapka kabj gayab ho jayega.

6. 1 gilas paani me shahad, sendha namak(fast wala salt) aur 1 neembu ka ras milakar le aapko kabj me Bahut rahat milegi. Roj 15 din tak Subah khali pet lene se kabj ki shikayat khatam ho jayegi.

7. Agar apko Bahut jyada kabj ki shikayat hai to chemist ki shop se Agrol le le. 2 spoon agrol ko 1 gilas paani me milakar khali pet le. Kaisa bhi kabj ho jad se khatam ho jayega. Aap ise 4-5 din le.

8. Normal dikkat hai to aap 10 gram isabghol ki bhusi ko 100 se 125 gram dahi
Me milakar le. Kabj me achha aaram milta hai.


9. Agar trifala churan ko doodh ke sath liya jaye to aapko aaram milega. Churan 1 spoon aur doodh 150 ml.

10. 10 no Arandi ke oil me 250 ml doodh milakar peene se bhi aapko achha fayada hoga.

11. Peeli kabuli harad ko Raat me paani me bhiga De, Subah ise ragad kar iska gooda nikal le. Fir Isme Thoda sa kala namak Mila kar le. Aapko Bahut achha fayada hoga. Harad ko feke nahi, next day fir se bhiga De. Jab isme kewal guthali bachelor tab feke.

12. Gehu ke hare paudhe ka ras kabj me achha kaam karta hai. 50 ml ras se kaafi aaram milega.


Ye to Rahi kabj ke liye home remedies. Ye gharelu nuskhe kaam ke hain. In me se Koi bhi nuskha aap ajmaye. Aur fayada hone par continue rakhe. Agar fayada na ho to Koi dusara apnaye. Waise to saare hi natural gharelu upchar hain jo ki 100% kaam karenge. Agar aap ek se jyada nuskhe apnate hain to aur bhi achha hai.




1 comments:

avatar
Reymond Upmedia delete Thursday, March 31, 2016

These remedies could be very effective depending on the body that will respond with it. I will be recommending this Digestic by Mimonis which will help us also in relieving constipation problem.It is very effective treating the constipation which my family had suffered that is why I am confident with it.

Reply


EmoticonEmoticon

Next article Next Post
Previous article Previous Post

ये भी पढ़ें: